Ja, nu sünd se bi uns, Maria, Josef und de Esel. In en Koffer up Reis van Hus to Hus. Blot en paar Lü weten war de Koffer is.

Dat is net as vör 2000 Jahren as dat Jesuskind ut Flees und Bloot geboren wur. De Wertsmann, wor se int Stall unerkommen sünd und en paar Heerders wussen Bescheed.

De dree Wiesen ut dat Mörgenland hem lang na hum söcht. In de Palast van de König wassen se, dor muss he doch to finden weden. Dat Jesus in en Stall geboren worden sull, kunnen se sük net denken. Un wenn se de Stern, de hör de Weg wiesen de, net hat harden, denn harn se hum sinooit funden.

Wo wer dat woll west, wenn se 30 Johr later nochmal kommen wern um nahum to kieken. Wor harn se hum ditmal söcht? Nochmal in de Palasten? Wer he nu endlich as König insett worden?

Ik löv 30 Jahr later, harn se hum gar neet mehr funnen. De Stern wer de net mehr. Und dat he unner de enfach Lü to finden wer, harn se sück seker net docht. Bit to sin dartigst Lebensjahr wer he as Timmermann unnerwegens, denn erst is he anfangen van Gott sien Riek to vertellen. Un darbi wer he dar to finnen, war de Üppersten neet weren. Bi Legers, Bedregers und ok bi de, de hör Mannlü bedrogen hebben. Un he söchde sük en ensamen Stä wenn he beden wull.

War sünd wi to finnen? Wi sünd ja sin Nahfolgers. Trekt uns dat erder na de Palasten und de Lü de en hogen Ansehn hebben? Geit uns dat netso as de dree Slauen ut dat Mörgenland, söken wie Jesus an de verkehrt Stee? War is en Stern de uns de Weg wiesen kann?